ஆப்பிள், ருசியைத்தாண்டி இதில் உள்ள சத்துக்கள் உங்களை ஆச்சரியப்படவைக்கும்…! Benefits of Apple in Tamil

குளிர் பிரதேசங்களில் மட்டுமே விளையும் ஆப்பிள் தற்போது தொழில்நுட்பத்தின் வாயிலாக நம் நாட்டிலும் விளைவிக்கப்படுகிறது. இதன் விலை சிறிது அதிகமா இருந்தாலும் ஆரோக்கியத்திற்காக செலவு செய்யலாமே? ஆப்பிள், குமளி பழம், ஆப்பழம், சீமை இலந்தை பழம், அரத்தி பழம் என பல்வேறு பெயர்களில் அழைக்கப்படுகிறது (apple in tamil). ஆப்பிள் பழத்தில் இரும்பு, புரோட்டீன், கொழுப்பு, பாஸ்பேட், சர்க்கரை, பொட்டாசியம், சோடியம், பெக்டின், மேலிக் யூரிக் அமிலங்கள், விட்டமின்கள் பி1, பி2, சி, முதலிய சத்துகள் அதிக அளவில் அடங்கியுள்ளன.

ஆப்பிள் ஆண்டு முழுவதும் கிடைக்கும் ஊட்டச்சத்து நிறைந்த ஒரு பழமாகும். அவற்றில் ஆன்டிஆக்ஸிடன்ட்கள், வைட்டமின்கள், தாதுக்கள் மற்றும் நார்ச்சத்து அதிகம் உள்ளது. அதனால்தான் அவற்றை சாப்பிடுவதால் இதயம், மூளை, உணவுப்பாதை, எலும்புகள் மற்றும் கண்களின் ஆரோக்கியத்தை மேம்படுத்தலாம்.

வெயில் காலங்களில் ஆப்பிள் சாப்பிடுவது மிகவும் நல்லது. ஏனெனில் இதில் உள்ள குளிர் தன்மை உங்கள் உடல் சூட்டைத் தணிக்கும் திறன் கொண்டது. குழந்தைகளுக்கு முதலில் கொடுக்கும் பழம் ஆப்பிளாகத்தான் இருக்கும். இதனைக்கொண்டு சாலட், ஆப்பிள் ஜூஸ் மற்றும் பல இனிப்புகளும் தயாரிக்கப்படுகின்றன. தினம் ஒரு ஆப்பிள் சாப்பிட்டால் மருத்துவரே தேவை இல்லை என பல காலமாக கூறி வருகின்றனர். அப்படி அதில் என்னதான் உள்ளது என இங்கே காண்போம்.

ஆப்பிளின் பயன்கள் (Benefits of Apple in Tamil)

ஆப்பிள் பழம் அதிக ஊட்டச்சத்து கொண்டது. இதில் விட்டமின்கள், நார்ச்சத்து, புரதங்கள், தாதுக்கள் மற்றும் வளர்ச்சிதை மாற்றத்திற்கு தேவையான முக்கிய அமிலங்களும் அடங்கியுள்ளது. மேலும் இதில் கூர்செடின் மற்றும் பெக்டின் என்ற சேர்மங்கள் உள்ளது. இவை உடல் ஆரோக்கியத்திற்கு மிகவும் அவசியமானவை. ஆப்பிள் ஆனது இதயம், மூளை, கண்பார்வை ஆகியவற்றை சீராக்குகிறது. மேலும் இது உடல் எடை குறைத்தல், இரத்த ஒட்டத்தை சீராக்குதல், செரிமானத்தை எளிதாக்குதல் போன்ற பணிகளையும் செய்கிறது. எனவே அடிக்கடி ஆப்பிள் சாப்பிடுவது உங்கள் உடலை புத்துணர்ச்சியாகவும் துடிப்புடனும் வைத்துக்கொள்ள உதவுகிறது.

ஆப்பிளின் பயன்கள் (Health benefits of apple in tamil)

பயன் 1: உடல் எடை

ஒரு கப் ஆப்பிளில் 2.6கி நார்ச்சத்து உள்ளது. பொதுவாக நார்ச்சத்து செரிமானத்தை எளிதாகும். மேலும் ஆப்பிள் போன்ற அதிக நார்ச்சத்து கொண்ட உணவுகள் உண்ணும்போது எளிதில் செரிமானமாகி உடல் எடை அதிகரிப்பதை தவிர்க்கிறது.

எப்படி வேலை செய்கிறது?

மேலும் இதன் கிளைசீமிக் அளவு குறைவாக இருப்பதால் இது இரத்த சர்க்கரையின் அளவை அதிகரிக்காது. எனவே இரத்த சர்க்கரையின் தொடர்பான எடை அதிகரிப்பை தடுக்கிறது(1).

பயன் 2: புற்றுநோய்

அதிகளவு ஆப்பிள் உட்கொள்வது புற்றுநோயின் அபாயத்தைக் குறைக்கும் என்று மருத்துவ பரிசோதனைகள் தெரிவிக்கின்றன. ஆப்பிள்கள் நுரையீரல், பெருங்குடல் மற்றும் உணவுப்பாதை புற்றுநோய்களின் அபாயத்தைக் குறைக்கும். விலங்குகளில் மேற்கொள்ளப்பட்ட ஆய்வுகளில் இது மார்பக புற்றுநோய் செல்களின் வளர்ச்சியைத் தடுப்பதாக கண்டறியப்பட்டுள்ளது.

எப்படி வேலை செய்கிறது?

ஆப்பிள் ஆனது இரண்டாவது மிக உயர்ந்த ஆக்ஸிஜனேற்ற சக்தியைக் கொண்டுள்ள பழமாகும். அவற்றின் தோல்கள் பழத்தை விட வலுவான ஆக்ஸிஜனேற்ற திறனைக் கொண்டுள்ளன. இந்த ஆக்ஸிஜனேற்றிகள் ஆரோக்கியமான செல்கள் மற்றும் டி.என்.ஏவை சேதப்படுத்தும் ஃப்ரீ ரேடிக்கல்களைத் அளிக்கின்றன. மேலும் நச்சுப் பொருட்களின் உற்பத்தியையும் அவை நிறுத்துகின்றன (2). இதனால் புற்றுநோய் ஏற்படும் அபாயம் குறைகிறது.

பயன் 3 :நீரிழிவுநோய் எதிர்ப்புசக்தி

9 ஆண்டுகளில் சுமார் 38,000 பெண்களைப் பற்றிய ஒரு தொற்றுநோயியல் ஆய்வு, ஆப்பிள் உட்கொள்ளும்போது இரண்டாம் வகை நீரிழிவு நோய் கட்டுப்படுத்தப்படுவதாக கண்டறியப்பட்டுள்ளது. மேலும் சாதாரண மக்களை ஒப்பிடும்போது ஒரு நாளைக்கு 1-2 ஆப்பிள்களை சாப்பிட்டவர்களுக்கு இரண்டாம் வகை நீரிழிவு நோய் 28% குறைந்துள்ளது.

எப்படி வேலை செய்கிறது?

ஆப்பிள் ஃபிளாவனாய்டுகளின் ஆக்சிஜெனேற்ற திறனே இதற்கு காரணமாகும். இந்த செயலில் உள்ள பொருட்கள் கணையத்தில் உள்ள செல்களை சேதத்திலிருந்து பாதுகாக்கின்றன. மேலும் இதன் கிளைசீமிக் குறியீடு குறைவாக உள்ளதால் இது இரத்த சர்க்கரையின் அளவை அதிகரிக்காது. இருப்பினும் உங்கள் மருத்துவரை ஆலோசித்து சரியான அளவு உட்கொள்ளுங்கள் (3).

பயன் 4: பற்கள்

ஆப்பிள்கள் தாதுக்களின் சிறந்த ஆதாரங்கள். அவற்றில் போரான், பொட்டாசியம், கால்சியம் மற்றும் சரியான அளவு துத்தநாகம் உள்ளன. இவை எலும்பு மற்றும் பற்கள் ஆரோக்கியத்திற்கு அவசியம் .

எப்படி வேலை செய்கிறது?

இதில் உள்ள நார்ச்சத்துள்ள பழங்கள் உமிழ்நீரை அதிகரிக்கும் மற்றும் உங்கள் வாயில் உள்ள அமில அளவை சீராக்கும். அவற்றை சாப்பிடும்போது உங்கள் வாயில் உள்ள துவாரங்கள் குறையும். எனவே பல் பிரச்சனைகளை சரிசெய்து உறுதியான பற்கள் பெற ஆப்பிள் சாப்பிடலாம்(4).

பயன் 5: கொழுப்பு

ஆப்பிளில் மிக குறைந்த அளவே கொழுப்பு சத்து உள்ளது. எனவே ஆப்பிள் சாப்பிடுவது உங்கள் உடல் கொழுப்பை அதிகரிக்காது. இதனால் உங்கள் உடல் எடை அதிகரிப்பையும் இது தடுக்கிறது.

எப்படி வேலை செய்கிறது?

மற்ற பழங்களை விட ஆப்பிளில் மிகக் குறைந்த அளவு கொழுப்பு சத்து இருப்பதால் இதனை உங்கள் அன்றாட உணவில் சேர்த்துக் கொள்வது நல்லது.

பயன் 6: ஆஸ்துமா

ஆஸ்துமாவால் அவதிப்படும் நோயாளிகள் ஆப்பிள் சாப்பிடும்போது உங்கள் மூச்சுக்குழாய் சீராக சுவாசிக்க வழிவகுக்கிறது மேலும் இது நுரையீரலின் செயல்பாட்டை ஒழுங்குபடுத்தி எளிதாக சுவாசிக்க உதவி செய்கிறது.

எப்படி வேலை செய்கிறது?

மேற்கொண்ட பல ஆராய்ச்சிகளின் முடிவில், ஆப்பிள்களை தினசரி எடுத்துக்கொள்வது ஆஸ்துமாவை சரிசெய்வதாக தெரிய வந்துள்ளது. ஆப்பிள் ஆனது மூச்சுக்குழாய்களை சீராக்கி ஆஸ்துமா வருவதை தடுக்கிறது. மேலும் இது நுரையீரலின் ஆரோக்கியத்தை மேம்படுத்தி சீராக செயல்பட உதவுகிறது.

பயன் 7: அல்சீமர் நோயைத் தடுக்கிறது

Shutterstock

அல்சீமர் என்பது மூளை மற்றும் நரம்பு மண்டலத்தின் செயல்பாடுகளில் ஏற்படும் கோளாறால் உண்டாகும் நோயாகும். இது குழந்தைப்பருவத்திலேயே தோன்றுகிறது. இதனால் துடிப்புடன் செயல்பட இயலாமை மற்றும் உணரும் திறன் குறைவு போன்றவை ஏற்படலாம்.

எப்படி வேலை செய்கிறது?

பல பல்கலைக்கழகங்கள் மேற்கொண்ட ஆய்வில் ஆப்பிள் மற்றும் சில பழங்களை சாப்பிடும்போது அதில் உள்ள முக்கிய பொருட்கள் மூளை மற்றும் நரம்புமண்டல செயல்பாட்டை சீராக்கி அல்சீமர் நோயைத் தடுப்பதாகவும் சரிசெய்வதாகவும் தெரிய வந்துள்ளது.

பயன் 8: மலக்குடல் எரிச்சல்

இது ஆங்கிலத்தில் irritable bowel syndrome என்று அழைக்கப்படுகிறது. அப்படியென்றால் மலக்குடலில் ஏற்படும் நோயாகும். இதனால் உங்களுக்கு வயிற்றுவலி, மலச்சிக்கல், வீக்கம் மற்றும் வயிற்றுப்போக்கு போன்றவை ஏற்படும். இந்நோய் உள்ளவர்களுக்கு ஆப்பிள் சாப்பிடுவது ஒரு சிறந்த தீர்வாக இருக்கும்.

எப்படி வேலை செய்கிறது?

ஆப்பிளின் உள்பழம் கரையக்கூடிய நார்ச்சத்து கொண்டது. எனவே இது எளிதில் செரிமானமாகும். ஆனால் மாறாக ஆப்பிளின் வெளித்தோல் கரையாத நார்ச்சத்து கொண்டது. எனவே இதனை சாப்பிடும்போது செரிமானத்தை கடுமையாக்கிவிடும். எனவே இந்நோய் உள்ளவர்கள் எப்பொழுதும் ஆப்பிளின் தோலை சீவிய பின்பு சாப்பிடவேண்டும்.

பயன் 9: கல்லீரல்

ஆப்பிளானது இதயம், மூளை மற்றும் எலும்புகளை பாதுகாப்பது போலவே கல்லீரலையும் பாதுகாக்கிறது.

எப்படி வேலை செய்கிறது?

தினசரி ஆப்பிள் சாப்பிடும்போது இது உங்கள் கல்லீரலை சுத்தம் செய்து அது புத்துணர்வாக செயல்பட தூண்டுகிறது. ஆப்பிளில் இருக்கும் பெக்டின் மற்றும் மாலிக் ஆசிட் கல்லீரலில் உருவாகும் நச்சுக்களை அழித்து அதனை தூய்மையாக்குகிறது.

பயன் 10: செரிமானத்தை சீராக்குகிறது

ஆப்பிளில் அதிக அளவு நார்ச்சத்து இருப்பது நமக்கு தெரிந்ததே. இந்த நார்ச்சத்து நாம் சாப்பிடும் உணவை எளிதாக செரிமானமாக்கி நன்மை அளிக்கிறது.

எப்படி வேலை செய்கிறது?

மேலும் இதில் உள்ள விட்டமின்கள் மற்றும் புரதங்கள் நாம் உண்ணும் உணவை சீராக உடைத்து எளிதாக செரிமானமாக வழி செய்கிறது. எனவே இரவு நேரங்களில் ஆப்பிள் சாப்பிட்டால் அது உணவை சீக்கிரமாக செரிமானமாக்கி நல்ல உடல் ஆரோக்கியத்திற்கு உதவுகிறது (5).

பயன் 11: இரத்த ஓட்டத்தை சீர்செய்தல்

பல நாடுகளில் நடத்தப்பட்ட ஆய்வுகளில், ஆப்பிள் சாப்பிடுவது இரத்தத்தை கடினமாக்கும் பொருட்களை 40% குறைத்துள்ளதாக கண்டறியப்பட்டுள்ளது.

எப்படி வேலை செய்கிறது?

இவ்வாறு இரத்தத்தை கடினமாக்கும் பொருட்களை குறைப்பதன் மூலம் இது இரத்த ஓட்டத்தை சீராக்குகிறது. எனவே தினம் ஒரு ஆப்பிள் சாப்பிடுவது இரத்த ஓட்டத்தை சீராக்கி ஆரோக்கியத்தை மேம்படுத்துகிறது.

பயன் 12: எலும்பு ஆரோக்கியம்

ஆப்பிள்கள் தாதுக்களின் சிறந்த ஆதாரங்கள். அவற்றில் போரான், பொட்டாசியம், கால்சியம் மற்றும் சரியான அளவு துத்தநாகம் உள்ளன. இவை எலும்பு மற்றும் பற்கள் ஆரோக்கியத்திற்கு அவசியம் ஆகும். பேரீஸ், ஆப்பிள், கொடிமுந்திரி, பெர்ரி, தக்காளி போன்றவை மாதவிடாய் நின்ற பெண்களின் (மற்றும் வயதான ஆண்கள்) உணவில் கட்டாய கூடுதலாக இருக்க வேண்டும்.

எப்படி வேலை செய்கிறது?

இந்த பழங்களில் உள்ள ஆன்டிஆக்ஸிடன்ட்கள் கீல்வாதம், ஆஸ்டியோபோரோசிஸ் மற்றும் பிற எலும்பு நோய்களைத் தடுக்கலாம் அல்லது தாமதப்படுத்தலாம்(6).

பயன் 13: பார்வைத்திறன்

ஆப்பிளில் உள்ள வைட்டமின்கள் ஏ, சி மற்றும் குர்செடின் ஆகியவை வயது தொடர்பான மற்றும் பிற கண் தொற்றுகளிலிருந்து உங்கள் கண்களைப் பாதுகாக்கின்றன. தோலுடன் கூடிய சிவப்பு ஆப்பிள்களில் இந்த ஊட்டச்சத்துக்கள் அதிகளவில் உள்ளன. அவற்றில் 15 μg / 100 கிராம் லுடீன், 18 μg / 100 கிராம் ß- கரோட்டின், 54 IU / 100 கிராம் வைட்டமின்-ஏ, மற்றும் 4.6 மிகி / 100 கிராம் வைட்டமின்-சி உள்ளது. வயதானவர்களில் கண்புரை மற்றும் கணுக்கால் சிதைவு போன்ற கண் கோளாறுகளுக்கு ஆப்பிள் சிறந்ததாகும்(7).

எப்படி வேலை செய்கிறது?

விழித்திரையில் வண்ணத்தைக் கண்டறிவதற்கு லுடீன் மற்றும் ஜீயாக்சாண்டின் போன்ற கரோட்டினாய்டுகள் மிக முக்கியமானவை. அவை சக்திவாய்ந்த ஆக்ஸிஜனேற்றிகளும் கூட. இந்த கூறுகள் நிறைந்த ஆப்பிள் போன்ற உணவுகளை உட்கொள்வது விழித்திரையில் இவற்றின் அளவுகளை பராமரிப்பதில் முக்கியமானவை.

பயன் 14: வீங்கிய கண்கள்

வீங்கிய கண்கள் மற்றும் கருவளையத்தை குணப்படுத்த ஆப்பிள்கள் பயன்படுத்தப்படுகின்றன.

எப்படி வேலை செய்கிறது?

ஆப்பிள் துண்டுகளை கண்களின் மீது வைத்து 20 நிமிடம் கழித்து எடுக்கவும். இவ்வாறு செய்யும்போது கண் வீக்கம் மற்றும் கருவளையம் நீங்கி விடுகிறது.

பயன் 15: சரும பராமரிப்பு

ஆப்பிளில் உள்ள விட்டமின்கள் உங்கள் சருமத்தை ஈரப்பதத்துடன் வைத்திருக்க உதவுகிறது. மேலும் இது தோல் புற்றுநோய்களையும் தடுக்கிறது.

எப்படி வேலை செய்கிறது?

ஆப்பிள், செர்ரி மற்றும் பேரிக்காய் போன்ற பழங்களில் புளோரைசின், அபிஜெனின், சிலிமரின் மற்றும் ஜெனிஸ்டீன் போன்ற ஃபிளாவனாய்டுகள் இயற்கையாகவே உள்ளன. புளோரிசின் தோலில் வயதாவதால் உண்டாகும் மாற்றங்களை குறைக்கிறது. சூரியனிடமிருந்தும், புற ஊதா கதிர் தூண்டப்பட்ட வீக்கம், கரும்புள்ளி வெள்ளை புள்ளிகளிலிருந்தும் பாதுகாக்கின்றன. அவை சருமத்தின் எண்ணெய் சுரப்பையும் கட்டுப்படுத்துகின்றன. எனவே முகப்பரு ஏற்படுவதை தடுக்கிறது(8).

பயன் 16: முடிவளர்ச்சியைத் தூண்டுகிறது

ஆப்பிளில் இருந்து தயாரிக்கப்படும் ஆப்பிள் சைடர் வினிகர் முடி பராமரிப்பில் பயன்படுத்தப்படுகிறது. முடி உதிர்தல் மற்றும் பொடுகு போன்றவற்றைத் தடுக்க ஆப்பிள் சைடர் வினிகர் முடி பராமரிப்பு தயாரிப்புகளில் பரவலாகப் பயன்படுத்தப்படுகிறது(9).

எப்படி வேலை செய்கிறது?

தெற்கு இத்தாலியை பூர்வீகமாகக் கொண்ட அன்னுர்கா ஆப்பிள், புரோசியானிடின் பி 2 எனப்படும் பாலிபினாலைக் கொண்டுள்ளது. புரோசியானிடின் பி 2 முடி வளர்ச்சிகாக ஆய்வு செய்யப்பட்டுள்ளது. இது மயிர்க்கால்கள் மற்றும் கெரட்டின் உற்பத்தி பெருக்கத்தைத் தூண்டும் என்று கூறப்படுகிறது.

ஆப்பிளில் உள்ள ஊட்டச்சத்துக்கள்

ஆப்பிளை எவ்வாறு வாங்குவது மற்றும் எவ்வாறு சேமித்து வைப்பது?

ஆப்பிள்களை பழ சந்தைகளிலும் மார்கெட்டுகளிலும் வாங்கலாம். நல்ல நிறமுள்ள கீறல் மற்றும் சேதம் இல்லாத பழங்களை வாங்க வேண்டும். அதே சமயத்தில் முழுகு பூசிய பளபளப்பான பழங்களை வாங்க வேண்டாம். விலை குறைவாக உள்ள நேரங்களில் அதிக ஆப்பிள்களை வாங்கி வைத்துக்கொள்வது நல்லது. மேலும் கிரீன் ஆப்பிள்களும் உடலுக்கு மிகவும் நல்லது.

எவ்வாறு சேமித்து வைப்பது?

ஆப்பிள்களை நன்கு கழுவி உலர்த்திவிட்டு குளிர்சாதனப்பெட்டிகளில் சேமித்து வைக்கலாம். இல்லையெனில் சாதாரணமாக வெளிப்புறத்திலும் வைக்கலாம். அவற்றை சீக்கிறமாக சாப்பிட வேண்டும். இல்லையெனில் அவை அழுகி விடலாம்.

ஆப்பிளை எவ்வாறு பயன்படுத்த வேண்டும்?

(1) ஆப்பிளை எவ்வாறு சாப்பிட வேண்டும்?

ஆப்பிள்களை சாதாரணமாக வெட்டி துண்டுகளாக சாப்பிடலாம். இல்லையெனில் மேலும் மற்ற பழங்களுடன் சேர்த்து சாலட் செய்தும் சாப்பிடலாம். வெயில் காலங்களில் ஆப்பிள் ஜூஸ் குடிப்பது குளிர்ச்சியத்தரும். இதன் சுவை காரணமாக தற்போது இதிலிருந்து கேக்குகள், ஐஸ் கிரீம்கள் மற்றும் பல இனிப்புகள் தயாரிக்கப்படுகின்றன.

(2) எப்பொழுது சாப்பிட வேண்டும்?

இதனை எப்பொழுது வேண்டுமானாலும் உங்கள் உணவில் சேர்த்துக்கொள்ளலாம். இதனை உணவின்போது ஒரு கூடுதலாக சாப்பிடும்போது இது உங்கள் செரிமானத்தை எளிதாக்கும்.

(3) எவ்வளவு சாப்பிட வேண்டும்?

பிரசித்திபெற்ற வாக்கியத்திற்கேற்ப ஒரு நாளிற்கு ஒரு ஆப்பிள் சாப்பிடுவது போதுமானது. இல்லையெனில் சிறிய பழங்களாக இருந்தால் 2 முதல் 3 வரை உண்ணலாம்.

ஆப்பிளின் பக்கவிளைவுகள்(apple side effects in tamil)

1. இதில் உள்ள பிரக்டோஸ் சில சமயங்களில் வீக்கத்தை ஏற்படுத்தக்கூடும். அது உங்களுக்கு வயிற்றுப்போக்கு, குமட்டல் மற்றும் அசவ்கரியத்தை கூட உண்டாக்கலாம்.
2. மேலும் பிளம்ஸ், பேரீச்சம்பழம், பாதாம் மற்றும் எந்த ரோசேஸி வகை பழங்களுக்கும் உங்களுக்கு ஒவ்வாமை ஏற்படின் நீங்கள் ஆப்பிள்களை தவிர்க்க வேண்டும்.
3. ஆப்பிள் கர்ப்பிணி மற்றும் பாலூட்டும் பெண்களுக்கு பாதுகாப்பானது. இருப்பினும், இந்த விஷயத்தை நிரூபிக்க போதுமான ஆதாரங்கள் இல்லை.
4. ஆப்பிள்களுடனான போதைப்பொருள் தொடர்புகளும் நன்கு ஆய்வு செய்யப்படவில்லை

இறுதியாக… உலகில் அதிகளவில் உட்கொள்ளப்படும் பழங்களில் ஒன்று இது. அதிக சத்துக்களை கொண்டுள்ளது. இது இதயம், மூளை, இரத்த ஓட்டம், எலும்பு, மற்றும் உணவு மண்டலம் என அனைத்திலும் தன் பங்கை ஆற்றுகிறது. நல்ல ஆரோக்கியமான உடலை பெற வேண்டுமெனில் தினம் ஒரு ஆப்பிள் கட்டாயம் சாப்பிடுங்கள். குழந்தைகள் முதல் பெரியவர் வரை ஆப்பிள் சாப்பிடலாம். அழகான சருமத்திற்கு பெண்கள் இதனை சாப்பிட்டால் நல்ல பலன் பெறலாம். மேலும் முடி உதிர்தலைத் தடுத்து வளர்ச்சியடையச் செய்யவும் இது உதவுகிறது. எனவே கட்டாயம் தினம் ஒரு ஆப்பிள் சாப்பிட்டு சிறந்த ஆரோக்கியமான வாழ்வைப் பெறுவோம்.

தொடர்பான கேள்விகள்

ஏன் ஆப்பிள் சிறந்த பழமாக உள்ளது?

இதில் அதிகளவில் விட்டமின்கள், புரதங்கள், கார்போஹைடிரேட்டுகள் மற்றும் நார்ச்சத்துக்கள் உள்ளன. இவை நம் உடலுக்கு ஆற்றல் அளித்து நோய்களில் இருந்து காக்கின்றன.

ஆப்பிளுக்கு மாறாக எந்த பழம் பயன்படுத்தலாம்?

பேரிக்காய் மற்றும் பீச் பழங்களை ஆப்பிளுக்கு மாற்றாக பயன்படுத்தலாம்.

ஆப்பிள்கள் உடலுக்கு கெடுதலா?

இல்லை. ஆப்பிள்கள் உடலுக்கு மிகவும் நல்லது. இது பல நோய்களை எதிர்க்கும் திறன் கொண்டது. ஒவ்வாமை உள்ளவர்களை தவற இது அனைவருக்கும் ஒரு சிறந்த பழமாகும்.

The following two tabs change content below.

• Latest Posts
• Bio

Latest posts by StyleCraze (see all)

• சின்ன கற்கண்டுகள் நம் ஆரோக்கியத்தில் இத்தனை பெரிய நன்மைகள் செய்கிறதா! Benefits of Mishri in Tamil - April 9, 2021
• கருப்பு உலர் திராட்சை நன்மைகள் மற்றும் பக்க விளைவுகள் – Benefits Of Black Raisins In Tamil - April 6, 2021
• ஆவாரம் பூக்கள் தரும் ஆரோக்கிய நன்மைகள்; அதே நேரம் அது தரும் பக்க விளைவுகள் - April 6, 2021
• உதட்டிற்கு மேல் வளரும் முடியை வலியின்றி அகற்ற எளிய வழிமுறைகள் – Upper lip hair removal tips in Tamil - April 6, 2021
• விந்தணுக்கள் தரம் முதல் வெயிட் லாஸ் வரை ரம்புட்டான் பழம் தரும் அற்புத நன்மைகள் – Benefits of Rambutan in Tamil - April 6, 2021

StyleCraze