குங்குமப்பூ தரும் அற்புத நன்மைகள் Benefits of saffron in tamil

Written by StyleCraze
குங்குமப்பூ தரும் அற்புத நன்மைகள் Benefits of saffron in tamil

குங்குமப்பூ (saffron in Tamil) உலகின் மிக விலையுயர்ந்த மூலிகைப்பயிராகும். ஒரு பவுண்டு குங்குமப்பூ 500 டாலர் முதல் 5000 டாலர் வரை இடத்தை பொறுத்து வேறுபடுகிறது. உலகின் வருடாந்திர குங்குமப்பூ உற்பத்தி சுமார் 300 டன் என்று மதிப்பிடப்பட்டுள்ளது. குங்குமப்பூவை ஈரான் நாடு அதிகமாக உற்பத்தி செய்கிறது, உலகின் மொத்த உற்பத்தியில் அந்நாட்டின் பங்கு 76 சதவிகிதமாகும். குங்குமப்பூவின் மருந்தியல் செயல்பாடு மற்றும் மருத்துவ பண்புகள் பல்வேறு உடல் நல சிக்கல்களுக்கு நிவாரணம் அளிப்பதாக கண்டறியப்பட்டுள்ளது. (1)

மருத்துவத்தின் பிதாவாகக் கருதப்படும் ஹிப்போகிரட்டீஸின் குறிப்புகளில், சளி மற்றும் இருமல், வயிற்றுப் பிரச்சினைகள், கருப்பை இரத்தப்போக்கு, தூக்கமின்மை, வாய்வு மற்றும் இதயக் கோளாறுகளுக்கு குங்குமப்பூ தீர்வளிக்கும் என்று கூறப்பட்டுள்ளது. நவீன ஆராய்ச்சியில் குங்குமப்பூ பற்றி சுவாரஸ்யமான கண்டுபிடிப்புகள் நிகழ்த்தப்பட்டுள்ளன. இந்த கட்டுரையில் குங்குமப்பூவின் அதிசயத்தக்க பண்புகள் குறித்து விரிவாக காணலாம்.

குங்குமப்பூ என்றால் என்ன?

குங்குமப்பூவானது க்ரோகஸ் சட்டிவஸ் என்று அழைக்கப்படும் மலரிலிருந்து நமக்கு கிடைக்கிறது. நாம் கடையில் வாங்கும் குங்குமப்பூவானது க்ரோகிஸ் பூக்களின் உலர்ந்த ஆரஞ்சு-சிவப்பு நிற சூலகமுடியாகும்.

மலரிலிருந்து குங்குமப்பூவை பிரித்ததெடுப்பது ரொம்பவும் சிரமம். 1 கிலோ குங்குமப்பூ வேண்டும் என்றால், சுமார் 1,60,000 – 1,70,000 மலர்களில் இருந்து அதனை பிரித்தெடுக்க வேண்டும். இது ரொம்பவுமே கடினமான பணியாகும். இதனாலேயே குங்குமப்பூ உற்பத்திக்கு அதிகப்படியான மனித ஆற்றலும், மிகுந்த உழைப்பும் தேவைப்படுகிறது. இதன் காரணமாக உலகின் மிக விலையுயர்ந்த வாசனை பொருட்களில் ஒன்றாக குங்குமப்பூ விளங்குகிறது.

குங்குமப்பூ உடலுக்கு எவ்வாறு நல்லது?

காலம் காலமாக குங்குமப்பூவானத்து இந்தியாவில் மரபு வழி மருத்துவ முறைகளில் பயன்படுத்தப்படுகிறது. பொதுவாக மாற்று மருத்துவ முறைகளில் குங்குமப்பூவிற்கு தனிஇடம் உண்டு. இதன் ஆன்டிஆக்சிடென்ட் பண்புகள் நோய் எதிர்ப்பு சக்தியை அதிகரித்து உடல் ஆரோக்கியத்தை மேம்படுத்துவதற்கு உதவுகிறது. இதனை உடல் நச்சு நீக்கியாகவும், செரிமானத்தை தூண்டவும், மனசோர்வு நீக்கியகவும் மற்றும் வலிப்பு நீக்கியாகவும் பயன்படுத்த முடியும். குங்குமப்பூவில் அதிக அளவு பொட்டாசியம், கால்சியம், இரும்பு மற்றும் வைட்டமின் ஏ, வைட்டமின் சி போன்ற அத்தியாவசிய வைட்டமின்கள் நிறைந்துள்ளது. இவை பல்வேறு வழிகளில் உடல் ஆரோக்கியத்தை மேம்படுத்த உதவுகின்றன.

குங்குமப்பூவின் நன்மைகள்

குங்குமப்பூவில் உள்ள குரோசின் மற்றும் குரோசெட்டின் ஆகிய இரண்டு கரோட்டினாய்டுகள் செல்களில் எதிர்விளைவு ஏற்படுவதை குறைக்கும். இந்த கலவைகள் வீக்க அபாயத்தையும் குறைக்கலாம். விழித்திரை ஆரோக்கியத்தை மேம்படுத்துவதாக கண்டுபிடிக்கப்பட்டது. மேலும் இதன் பயன்கள் குறித்து தொடர்ந்து பார்க்கலாம்.

1. புற்றுநோய் அபாயத்தை குறைக்கிறது

குங்குமப்பூ வேதியியல் முறையில் புற்றுநோய் தடுப்பு பண்புகளை உருவாக்குவதாக ஆய்வுகள் குறிப்பிடுகின்றன. சில மருத்துவ பரிசோதனைகள் குங்குமப்பூவின் புற்றுநோய் எதிர் விளைவுகளைப் பற்றி அறிய உதவுகின்றன.

குங்குமப்பூவில் உள்ள கரோட்டினாய்டுகள் புற்றுநோய் எதிர்ப்பில் முக்கிய பங்கு வகிக்கின்றன. குங்குமப்பூவும் அதில் நிறைந்துள்ள வேதியியல் கூறுகளும் புற்றுநோயைத் தடுப்பதற்காக பரிந்துரைக்கப்பட்டுள்ளன. அதன் சேர்மங்களில் ஒன்றான குரோசின் அதிக ஆற்றலைக் கொண்டிருப்பது கண்டறியப்பட்டது. (2)

2. தூக்கமின்மை சிகிச்சையில் உதவலாம்

எலிகள் மீது நடத்தப்பட்ட ஆய்வுகளில், குங்குமப்பூவில் உள்ள குரோசின் விரைவான கண் இயக்கத்தை குறைத்து தூக்கத்தை அதிகரிப்பதாக கண்டறியப்பட்டது. குங்குமப்பூவில் உள்ள மற்ற கரோட்டினாய்டு குரோசெடின், REM அல்லாத சேர்மங்கள் தூக்கத்தின் மொத்த நேரத்தையும் 50 சதவிகிதம் வரை அதிகரிக்கக்கூடும்.

மனச்சோர்வைக் எதிர்கொள்ளும் பெரியவர்களில் மனச்சோர்வின் அறிகுறிகளை குறைக்க குங்குமப்பூ உதவதாக மருத்துவ பரிசோதனைகள் குறிப்பிடுகின்றன. (3)

3. மூளையின் ஆரோக்கியத்தை மேம்படுத்துகிறது

குங்குமப்பூ சாற்றில் உள்ள ஆக்ஸிஜனேற்ற மற்றும் அழற்சி எதிர்ப்பு பண்புகள் நரம்பு மண்டலத்தின் பல்வேறு சிக்கல்களுக்கு சிகிச்சையளிக்க பயன்படுகிறது. கோலினெர்ஜிக் மற்றும் டோபமினெர்ஜிக் அமைப்புகளுடன் தொடர்பு கொள்கிறது. இது அல்சைமர் அல்லது பார்கின்சனின் குறைபாட்டுக்கு நன்மை பயக்கும்.

குங்குமப்பூவில் உள்ள குரோசின் அறிவாற்றலை மேம்படுத்துவதாக சில ஆதாரங்கள் தெரிவிக்கின்றன. குங்குமப்பூவில் உள்ள இந்த கரோட்டினாய்டு அல்சைமர், பெருமூளைக் காயங்கள் மற்றும் ஸ்கிசோஃப்ரினியா தொடர்பான நினைவகக் கோளாறுகளைத் தீர்க்கக்கின்றது.

இருப்பினும், மூளை காயம் மற்றும் மூளை இஸ்கெமியா தொடர்பான நினைவக கோளாறுகளில் குங்குமப்பூவின் செயல்திறன் இன்னும் ஆராயப்படவில்லை. (4)

4. செரிமான ஆரோக்கியத்தை மேம்படுத்துகிறது

குங்குமப்பூ ஆக்ஸிஜனேற்ற, ஆன்டிகான்சர், அழற்சி எதிர்ப்பு மற்றும் ஹைப்பர்லிபிடெமிக் பண்புகளை கொண்டிருப்பதால் இரைப்பை, குடல் கோளாறுகளுக்கு சிகிச்சையளிப்பதில் நல்ல முடிவுகளை கொடுப்பதாக விலங்கு நடத்தப்பட்ட ஆய்வுகள் காட்டுகின்றன. இருப்பினும், மனித இரைப்பை குடல் பிரச்சினைகளுக்கு சிகிச்சையளிப்பதில் அதன் செயல்திறன் இன்னும் ஆராயப்பட்டு புரிந்து கொள்ளப்படவில்லை. (5)

5. கர்ப்பிணி பெண்களுக்கு நல்லது

கர்ப்ப காலத்தில் சில பெண்களுக்கு இரும்பு சத்து குறைபாடு ஏற்பட்டு, லுகிமியா உண்டாகும். குங்குமப் பூவானது இரும்பு சத்தை அதிகரித்து உடலில் ஹூமோகுளோபின் அளவை பாதுகாக்கிறது. சில் பெண்களுக்கு கர்ப்பகாலத்தில் காலை எழுந்த உடனே குமட்டல், வாந்தி, தலைச்சுற்றல், சோர்வு ஏற்படுவது போன்ற உணர்வு வரும். அதற்கு பாலில் அளவாக குங்குமப்பூ கலந்து சாப்பிட வேண்டும்.

6. பார்வைத் திறனை அதிகரிக்கச்செய்கிறது

எலிகள் மீது நடத்தப்பட்ட ஆய்வுகளில், குங்குமப்பூவின் ஒரு அங்கமான சஃப்ரானல் விழித்திரை சிதைவை தாமதப்படுத்துவதாக கண்டறியப்பட்டது. குங்குமப்பூவானது வயது மூப்பால் கண்களில் ஏற்படும் மாகுலர் சிதைவின் தடுத்து குறிப்பிடத்தக்க முன்னேற்றத்தைத் தூண்டுவதாகவும் கண்டறியப்பட்டது. (6)

7. கீல்வாதம் ஏற்படும் அபாயத்தை குறைக்கிறது

மூட்டுவலி உள்ளவர்களுக்கு மனச்சோர்வு மற்றும் பதட்டம் மிகவும் பொதுவானது. ஆர்த்ரிடிஸ் அறிகுறிகள் மற்றும் அதன் விளைவாக கை, கால்களில் அசையாத தன்மை மனச்சோர்வை அதிகரிக்கும். குங்குமப்பூ ஒரு இயற்கை ஆண்டிடிரஸனாகும். அது மனச்சோர்வைத் தணிக்கும். அதோடு மூட்டுவலியை குறைக்க உதவும் என்று கண்டறியப்பட்டுள்ளது. இது வலி நிவாரணி மற்றும் அழற்சி எதிர்ப்பு பண்பு கொண்ட மூலிகையாக செயல்படுகிறது. (7)

8. ஆஸ்துமாவின் தாக்கத்தை குறைக்கிறது

ஒவ்வாமை ஆஸ்துமா உள்ளவர்கள் குங்குமப்பூவை எடுத்துக்கொள்வதன் மூலம் ஆஸ்துமா அறிகுறிகளைக் குறைக்கலாம் என்று சில ஆய்வுகள் தெரிவிக்கின்றன. ஆஸ்துமா நோயாளிகளை பொருத்தமட்டில் குங்குமப் பூ சிறந்த வரப்பிரசாதமாக பார்க்கப்படுகிறது. இது நுரையீரலில் உள்ள திசுக்களின் வீக்கத்தினை குறைப்பதோடு மட்டுமல்லாது, ரத்த நாளங்களை சீராக இயங்க வைக்கின்றது. இதனால் காற்றுக் குழாய்கள் சீராக இயங்குகி ஆஸ்துமாவினால் ஏற்படும் மூச்சு விடு சிரமப்படும் உணர்வு குறைகிறது.’

9. இதய ஆரோக்கியத்தை மேம்படுத்துகிறது

குங்குமப்பூ ரத்த சுற்றோட்ட அமைப்பை வலுப்படுத்துவதன் மூலம் இதய நோய் அபாயத்தை குறைக்க உதவுகிறது. இதில் நிறைந்துள்ள தியாமின் மற்றும் ரைபோஃப்ளேவின் ஆரோக்கியமான இதய செயல்பாட்டை ஊக்குவிக்கின்றன. பல்வேறு இதய சிக்கல்களைத் தடுக்க உதவுகின்றனஆக்ஸிஜனேற்ற பண்புகள் காரணமாக, குங்குமப்பூ தமனிகள் மற்றும் இரத்த நாளங்களை பராமரிக்க உதவுகிறது. அழற்சி எதிர்ப்பு பண்புகளும் இதயத்திற்கு பயனளிக்கின்றன. குரோசெடின் இரத்தக் கொழுப்பின் அளவை மறைமுகமாகக் கட்டுப்படுத்துகிறது மற்றும் பெருந்தமனியில் தடிப்புத் தோல் அழற்சியின் தீவிரத்தை குறைக்கிறது. உயர் இரத்த அழுத்தத்திற்கு சிகிச்சையளிப்பதில் குங்குமப்பூ பயனுள்ளதாக இருக்கும். (8)

10. அழற்சியை குறைக்க உதவுகிறது

குங்குமப்பூவில் குரோசின் மற்றும் குரோசெட்டின் நிறைந்து உள்ளது. இது ஆன்டிஆக்சிடென்ட் மற்றும் அழற்சி எதிர்ப்பு பண்புகளைக் உள்ளது. இவை உடலில் செல்அழிவை தடுக்கக்கூடியவை. உயிரணுக்களின் அசாதாரண வளர்ச்சியை தடுத்து அழற்சி பாதிப்புகளை குறைக்கின்றது.

11. மாதவிடாய் சிக்கல்களுக்கு நிவாரணம் வழங்குகிறது

டிஸ்மெனோரியா பாதிப்பு கொண்ட பெண்களுக்கு நிவாரணம் வழங்க குங்குமப்பூ அடங்கிய ஒரு மூலிகை மருந்து கண்டுபிடிக்கப்பட்டுள்ளது. இந்த மூலிகை மருந்தின் செயல்திறனைத் தீர்மானிக்க கூடுதல் மருத்துவ பரிசோதனைகள் தேவை என ஆய்வுகள் குறிப்பிடுகின்றன. (9)

12. கல்லீரலைப் பாதுகாக்க உதவுகிறது

கல்லீரல் மெட்டாஸ்டாஸிஸைக் கையாளும் நோயாளிகளுக்கு குங்குமப்பூ பயனுள்ளதாக இருக்கும் என்று சில ஆராய்ச்சிகள் கூறுகிறது. குங்குமப்பூவில் உள்ள கரோட்டினாய்டுகள் எதிர்வினை ஆக்ஸிஜன் உற்பத்தியைத் தடுக்க உதவுகிறது.

குங்குமப்பூவில் உள்ள சஃப்ரானல் நச்சுகளிலிருந்து கல்லீரலைப் பாதுகாக்கும். ஆனால் இந்த கண்டுபிடிப்பு மனித மருத்துவ பரிசோதனைகளால் இன்னும் சரிபார்க்கப்படவில்லை. (10)

13. நோய் எதிர்ப்பு சக்தியை மேம்படுத்துகிறது

குங்குமப்பூவில் கரோட்டினாய்டுகள் நிறைந்துள்ளன. அவை நோய் எதிர்ப்பு சக்தியை அதிகரிக்கும் என்று தெரிய வந்துள்ளது. ஆரோக்கியமான ஆண்கள் மீது மேற்கொள்ளப்பட்ட ஒரு ஆய்வில், குங்குமப்பூவை தினசரி பயன்படுத்துவது (சுமார் 100 மி.கி) எந்தவிதமான பாதகமான எதிர்விளைவுகளும் இல்லாமல் தற்காலிக நோயெதிர்ப்பு விளைவுகளை ஏற்படுத்துவது கண்டறியப்பட்டுள்ளது.

14. காயங்களை குணப்படுத்த உதவுகிறது

எலிகள் மீது நடத்தப்பட்ட ஆய்வில், குங்குமப்பூவின் காயத்தை குணப்படுத்தும் பண்புகளுக்கு காரணம், அதன் ஆக்ஸிஜனேற்ற மற்றும் அழற்சி எதிர்ப்பு திறன் என கண்டறியப்பட்டுள்ளது. குங்குமப்பூ எரி காயங்களில் மறு-செல் உருவாக்கத்தை கணிசமாக அதிகரிக்கிறது. தீக்காயங்களைக் குணப்படுத்துவதை விரைவுபடுத்த குங்குமப்பூவின் செயல்திறன் மேம்பட்டதாக உள்ளது.

15. பாலுணர்வை தூண்ட செய்கிறது

குங்குமப்பூவில் உள்ள குரோசின் பாலியல் உணர்வை மேம்படுத்தும். இது விறைப்புத் தன்மையை அதிகரிக்கக்கூடும். இருப்பினும், சஃப்ரானல் எந்த பாலுணர்வையும் தூண்டுவதில்லை.

ஆண்களில் விந்தணு உருவாக்கத்தை மேம்படுத்துவதில் குங்குமப்பூ பயனுள்ளதாக இருந்தது. இருப்பினும், விந்தணுக்களின் எண்ணிக்கையை மேம்படுத்துவதாக கண்டறியப்படவில்லை.
மற்றொரு ஆய்வில், குரோசின் நிகோடினுடன் சிகிச்சையளிக்கப்பட்ட எலிகளில் சில இனப்பெருக்க

அளவுருக்களை மேம்படுத்த முடியும் என அறியப்பட்டது. குங்குமப்பூவின் ஆக்ஸிஜனேற்ற விளைவுகள் இதற்கு முக்கிய காரணமாக இருந்திருக்கலாம் என்று ஆய்வு ஊகிக்கிறது.

16. தோல் ஆரோக்கியத்தை மேம்படுத்துகிறது

குங்குமப்பூ சருமத்திற்கு பாதுகாப்பை வழங்குகிறது. அதன் ஒளிச்சேர்க்கை மற்றும் ஈரப்பதமூட்டும் விளைவுகள் அதற்கு காரணமாகும்.

குங்குமப்பூவை இயற்கையாகவே புற ஊதா கதிர்களை உறிஞ்சும் பயன்படுத்தப்படலாம் என்று ஆய்வுகள் தெரிவிக்கின்றன. இதில் கெம்பெரோல் மற்றும் குர்செடின் போன்ற ஃபிளாவனாய்டு கலவைகள் உள்ளன. இது இந்த விஷயத்தில் பங்களிக்கக்கூடும்.

குங்குமப்பூவின் ஒளிச்சேர்க்கை விளைவுகள் அதன் பிற பினோலிக் சேர்மங்களான டானிக், கேலிக், காஃபிக் மற்றும் ஃபெருலிக் அமிலங்கள் காரணமாகவும் இருக்கலாம். இந்த கலவைகளில் சில, பல்வேறு சன்ஸ்கிரீன்கள் மற்றும் தோல் லோஷன்களில் பயன்படுத்தப்படுகின்றன.

இருப்பினும், குங்குமப்பூ ஈரப்பதமூட்டும் பண்புகளை பெரிய அளவில் கொண்டிருக்கவில்லை. உங்கள் சருமத்தில் குங்குமப்பூவைப் பயன்படுத்தும் முன் எச்சரிக்கையாக இருங்கள். குங்குமப்பூ அதிகமாக பயன்படுத்தினால் சருமம் மஞ்சள் நிறமாக மாறும் என்பதால் அளவு குறித்து கவனமாக இருங்கள். ஒருவரின் தோலை வெண்மையாக்கும் நோக்கத்துடன் எந்தவொரு மூலப்பொருளையும் பயன்படுத்த நாங்கள் பரிந்துரைக்கவில்லை. ஆனால் குங்குமப்பூ சில நிற மேம்பாட்டு விளைவுகளை உண்டாக்கக்கூடியது.

17. முடி உதிர்வை தடுக்கிறது

குங்குமப்பூவில் உள்ள ஆக்ஸிஜனேற்றிகள் முடி உதிர்வதைத் தடுக்கிறது. இது மயிர்க்கால்களை சரிசெய்வதற்கும், முடி வளர்ச்சியை ஊக்குவிப்பதற்கும் துணை புரிவதாக ஆய்வு முடிவுகள் தெரிவிக்கின்றன. மெல்லிய கூந்தலுக்கு குங்குமப்பூ மற்றும் பால் சார்ந்த கண்டிஷனர்களைப் பயன்படுத்துவது நல்ல பலன் அளிக்கும்.

குங்குமப்பூவில் நிறைந்துள்ள ஊட்டச்சத்துக்கள்

குங்குமப்பூவில் அதிக அளவு பொட்டாசியம், கால்சியம், இரும்பு மற்றும் வைட்டமின் ஏ, வைட்டமின் சி போன்ற அத்தியாவசிய வைட்டமின்கள் நிறைந்துள்ளது. அவை எந்த அளவில் உள்ளது என்பதை பின்வரும் அட்டவணையில் பார்க்கலாம்.

குங்குமப்பூ
Serving Size: 1 teaspoon (0.7 g)
ஊட்டச்சத்துகள்AMOUNTUNIT
நீர்0.083g
ஆற்றல்2.17kcal
ஆற்றல்9.09kJ
புரோட்டீன்0.08g
மொத்த லிப்பிடுகள் (fat)0.041g
கார்போஹைட்ரேட்0.458g
பைபர்0.027g
தாதுக்கள் 
கால்சியம் , Ca0.777mg
அயர்ன், Fe0.078mg
மெக்னீசியம், Mg1.85mg
பாஸ்பரஸ், P1.76mg
பொட்டாசியம், K12.1mg
சோடியம், Na1.04mg
ஜிங்க், Zn0.008mg
காப்பர், Cu0.002mg
மங்கனஸ், Mn0.199mg
செலினியம், Se0.039µg
வைட்டமின்கள்
வைட்டமின் C, total ascorbic acid0.566mg
தையமின்0.001mg
Riboflavin0.002mg
நியாசின்0.01mg
வைட்டமின்  B-60.007mg
Folate, food0.651µg
வைட்டமின்  B-120µg
வைட்டமின் A, RAE0.189µg
Retinol0µg
வைட்டமின் A, IU3.71IU
வைட்டமின்  D (D2 + D3)0µg
வைட்டமின்  D0IU
கொழுப்புகள் 
Fatty acids, total saturated0.011g
Fatty acids, total monounsaturated0.003g
Fatty acids, total polyunsaturated0.014g

குங்குமப்பூவை எவ்வாறு பயன்படுத்துவது?

குங்குமப்பூ தனித்துவமான சுவையையும் நறுமணத்தையும் தருவது மட்டுமல்லாமல், உணவை மிகவும் அழகாகக் காண்பிக்கும். செய்முறையைப் பொறுத்து குங்குமப்பூ நூல் அல்லது அரைக்கப்பட்ட வடிவத்தில் பயன்படுத்தப்படலாம். உணவை அலங்கரிக்க குங்குமப்பூவைப் பயன்படுத்துகிறீர்கள் என்றால் நூல் வடிவ குங்குமப்பூவை பயன்படுத்தலாம். குங்குமப்பூவை உணவுடன் கலக்க விரும்பினால், தூள் வடிவத்திற்கு செல்ல வேண்டும்.

கடையில் வாங்குவதற்கு பதிலாக வீட்டிலேயே தூள் குங்குமப்பூவை தயார் செய்யலாம். குங்குமப்பூவில் உள்ள ஈரப்பதம் காரணமாக அரைப்பது கடினம் எனில், அதனுடன் ஒரு சிட்டிகை சர்க்கரை சேர்த்து அரைக்கவும். இது உங்கள் செய்முறையை பாதிக்காமல் அரைப்பதை எளிதாக்கும்.

தூள் குங்குமப்பூவில் 3 முதல் 5 டீஸ்பூன் சூடான அல்லது கொதிக்கும் நீரைச் சேர்த்து திரவ குங்குமப்பூவை உருவாக்கி 5 முதல் 10 நிமிடங்கள் வரை கொதிக்க விட வேண்டும். அதனை ஒரு ஜாடியில் சேமித்து சில வாரங்களுக்கு தேவைப்படும்போது பயன்படுத்தலாம். திரவ குங்குமப்பூவை தண்ணீருக்கு பதிலாக பால், வினிகர் அல்லது ஒயின் கொண்டு தயாரிக்கலாம். (benefits of saffron milk in Tamil)

இது தவிர குங்குமப்பூ பால் (Saffron milk benefits in Tamil) கூட செய்யலாம். 1 கப் பால், ஒரு சிட்டிகை குங்குமப்பூ, மற்றும் 2 டீஸ்பூன் சர்க்கரை சேர்த்து வழக்கமான டீ போல தயாரிக்கலாம். இந்த குங்குமப்பூ பால் தேநீர் போல சுவையாக இருக்கும். குங்குமப்பூவைப் பயன்படுத்துவது எளிதானது என்றாலும், அளவாக பயன்படுத்த வேண்டும்.

குங்குமப்பூவை தேர்ந்தெடுப்பது மற்றும் பாதுகாப்பது எப்படி?

தேர்வு செய்யும் முறை

தூய குங்குமப்பூ சற்று கசப்பானது. இனிப்பு சுவை இருக்காது. நீங்கள் வாங்கும் குங்குமப்பூ இனிப்பு சுவை தருகிறதென்றால், அது நீங்கள் சிறப்பான ஒன்றாக இருக்காது. மேலும், பேக்கில் ஐஎஸ்ஓ 3632-1: 2011 சான்று இருக்கிறதா என்பதை சரிபார்க்கவும்.

உங்கள் நாக்கில் குங்குமப்பூவின் சில நூல்களை வைத்து அவற்றை உறிஞ்சலாம். அவற்றை வெளியே எடுத்து ஒரு திசு மீது தேய்க்க. அவை திசு மஞ்சள் நிறமாக இருந்தால், அவை உண்மையானவை. நிறம் மாறியிருக்க கூடாது.

பாதுகாக்கும் முறை

குங்குமப்பூ காலாவதியாகவோ அல்லது கெடவில்லை என்றாலும், அது காலப்போக்கில் அதன் சுவையையும் ஆற்றலையும் இழக்கக்கூடும் பொதுவாக இரண்டு முதல் நான்கு ஆண்டுகளில் அதன் தன்மையை இழக்கும்.
குங்குமப்பூவை காற்று புகாத கொள்கலனில் குளிர்ந்த மற்றும் இருண்ட இடத்தில் சேமிக்கலாம். சுற்றியுள்ள ஈரப்பதமான சூழல் காரணமாக பூஞ்சை உருவாகக்கூடும் என்பதால் அதை குளிர்சாதன பெட்டியில் சேமிக்க வேண்டாம்.

குங்குமப்பூவை எங்கே வாங்கலாம்?

பொதுவாக உற்பத்தியாகும் இடத்தில் இருந்தே வாங்க பரிந்துரைக்கப்படுகிறது. அப்படி வாய்ப்பு கிடைக்காத பட்சத்தில் தரமான பிராண்ட் குங்குமப்பூவாக பார்த்து வாங்க வேண்டும். உள்ளூர் கடைகளில் பெரும்பாலும் கலப்படம் மிகுந்தும், போலிகளும் அதிகம் விற்பனை செய்யப்படுவதை காண முடிகிறது.

குங்குமப்பூவின் பக்க விளைவுகள்

ஒரு நாளைக்கு 10.5 கிராம் குங்குமப்பூ எடுத்துக்கொள்வது நச்சு பக்க விளைவுகளை ஏற்படுத்தும் என்று சில ஆராய்ச்சி கூறுகிறது.

தலைவலி, தலைச்சுற்றல் மற்றும் பசியின்மை, பலவீனம் மற்றும் தீவிர நிகழ்வுகளில் நுரையீரல் மற்றும் சிறுநீரகங்களுக்கும் தீங்கு விளைவிக்கும்.

கர்ப்பிணிப் பெண்களுக்கு, குங்குமப்பூவின் தினசரி அதிகபட்ச வரம்பு 5 கிராம் ஆகும். கர்ப்ப காலத்தில் அதிக அளவில் குங்குமப்பூவை வாய்வழியாக உட்கொள்வது பிரச்சினைகளை ஏற்படுத்தும் – இது கருப்பையின் சுருக்கம் மற்றும் கருச்சிதைவுக்கு வழிவகுக்கும்.

அதிக அளவு குங்குமப்பூவை எடுத்துக்கொள்வது கருச்சிதைவு விகிதத்தை அதிகரிக்கும் என்பதை கவனத்தில் கொள்ள வேண்டும்.

முடிவாக

உணவில் ஒரு சிட்டிகை குங்குமப்பூ சேர்ப்பது சுவையை அளிப்பது மட்டுமல்லாமல், சில ஆரோக்கிய நன்மைகளையும் அளிக்கக்கூடியது.. உங்கள் தேவைக்கு குங்குமப்பூவை எவ்வாறு பயன்படுத்தலாம் என்பதை அறிந்து கொண்டு, உணவோடு எடுத்துக்கொள்ள வேண்டும். கர்ப்பமாக இருக்கும் பெண்கள் அல்லது தாய்ப்பால் கொடுப்பவர்களாக இருந்தால் குங்குமப்பூவிலிருந்து விலகி இருங்கள். உடல் நிலை எப்படி இருந்தாலும் குங்குமப்பூவை எடுத்துக்கொள்வதற்கு முன்பு தங்கள் மருத்துவரை அணுக வேண்டும் என பரிந்துரைக்கிறோம்.

Sources

Articles on StyleCraze are backed by verified information from peer-reviewed and academic research papers, reputed organizations, research institutions, and medical associations to ensure accuracy and relevance. Check out our editorial policy for further details.
Was this article helpful?
YesNo
The following two tabs change content below.

StyleCraze