ஒழுங்கற்ற மாதவிலக்கால் அவதிப்படுகிறீர்களா.. எளிய வீட்டு முறைகளில் இதனைச் சரி செய்து கொள்ளுங்கள் !

June 29, 2020 by Deepa Lakshmi

ஒழுங்கற்ற மாதவிலக்கு என்பது கணிசமான பெண்களுக்கு ஏற்படும் ஒரு வித உடலியல் சிக்கல் எனலாம். சாதாரணமாக 28 நாட்களுக்கு ஒருமுறை வர வேண்டிய மாதவிலக்கானது ஒரு சில பெண்களுக்கு 20 நாட்களிலோ அல்லது 40 நாட்களுக்கு நடக்கலாம். ஒரு சிலருக்கோ மூன்று மாதங்களுக்கு ஒருமுறை மாதவிலக்கு ஏற்படலாம். ஒரு சிலருக்கு 7 நாட்களுக்கும் மேல் அதிக ரத்தப்போக்குடன் மாதவிலக்கு நடக்கலாம். இவை எல்லாமே ஒழுங்கற்ற மாதவிலக்கு எனக் கூறப்படுகிறது.

Table Of Contents

ஒழுங்கற்ற மாதவிலக்கு ஏற்பட என்ன காரணம் ?

மரபணு சிக்கல்கள் , உணவுப் பழக்கவழக்கங்கள் , மன அழுத்தம் போன்ற பல காரணங்களால் பெண்களுக்கு இப்படி ஒழுங்கற்ற மாதவிலக்கு நேரலாம். அதிகமாகப் பத்தியம் இருப்பது, பிசிஓடி போன்ற கர்ப்பப்பை நீர்கட்டிகள் உள்ளவர்கள், புகைபிடிப்பவர்கள் என ஒழுங்கற்ற மாதவிலக்கு நடைபெறுவதற்கான காரணங்கள் கூடிக் கொண்டே போகின்றன(1).

இது தவிர உடல் உபாதைகளுக்காக மாத்திரை அதிகம் எடுத்துக் கொள்பவர்கள், மது அருந்துபவர்கள் , சத்தான உணவுகளைத் தேர்ந்தெடுத்து உண்ணாதவர்கள் போன்றவர்களுக்கும் ஒழுங்கற்ற மாதவிலக்கு பிரச்னை இருப்பதாக அறியப்படுகிறது (2).

இந்த சீரற்ற மாதவிலக்கு சிக்கலை நாம் எளிதாகத் தீர்த்து விட முடியும். நமது ஹார்மோன் மாற்றங்களை சரி செய்ய ஒரு சில பாரம்பரிய உணவுப்பழக்க முறைகளை நீங்கள் பின்பற்றினால் வெகு விரைவில் இதில் இருந்து மீண்டுவிடலாம்.