பல்வலி வருவதன் காரணங்களும் அதற்கான எளிய வீட்டு முறை தீர்வுகளும்

by StyleCraze

உடலில் மற்ற வலியை ஏதாவது செய்து குறைத்துவிடலாம். ஆனால் இந்த பல் வலி வந்துவிட்டால்உயிர் போகும் வலி போலத் தோன்றும். பல் வலி (Toothache in Tamil ) உடலுக்கு மிகவும் வேதனையளிக்கும். ஒரு மனிதனை பலவீனமாக்க செய்யும். பல்வலி எப்போது வேண்டுமானாலும் ஏற்படலாம். பொதுவாக, எந்த முன் அறிகுறியும் இல்லாமல் ஏற்படலாம். பல் அல்லது ஈறுகளில் தொற்று இருந்தால், பாதிக்கப்பட்ட இடத்தைச் சுற்றி வீக்கம் மற்றும் சிவத்தல் ஆகிய தொந்தரவுகளை நீங்கள் அனுபவிக்கலாம். துடிக்கச் செய்யும் பல் வலி வந்துவிட்டால் பைத்தியம் பிடித்தது போல இருக்கும். அதற்கு நீங்கள் இப்போதே சிகிச்சையளிக்கவில்லை என்றால்,  பல்லை இழக்க நேரிடும். வலியின் தீவிரம் லேசானது முதல் வேதனைக்குரியதாகவும் மாறக்கூடும். சிலர் நாள்பட்ட பல்வலி நோயால் பாதிக்கப்படுகின்றனர்.

பல்வலி பொதுவாக இரவுகளில் வெளிப்படுவது மிக விசித்திரமானது. உங்களுக்கு இந்த வலி இருக்கும்போது, ​​ பல் மருத்துவரைப் பார்ப்பதற்கு முன்பு ஒரு நாள் அல்லது இரண்டு நாட்கள் காத்திருக்க வேண்டியிருக்கும். காத்திருப்பு வேதனையளிக்கும் என்பதை நீங்கள் அறிவீர்கள். அந்த நேரத்தில், நீங்கள் யாருடனும் பேசவோ சாப்பிடவோ விரும்ப மாட்டீர்கள். வலி மறைந்து போவதற்கு மட்டுமே மனம் ஏங்கும். பயனுள்ள வீட்டு வைத்தியங்களைப் பயன்படுத்துவதன் மூலம் (tooth pain home remedy in Tamil) பல்வலியைச் சமாளிக்க முடியும். ஆனால் ஒன்றை நினைவில் கொள்ள வேண்டும். பல்வலிக்கான இந்த வீட்டு வைத்தியம், அடிப்படை சிக்கலை குணப்படுத்தாது. அவை வலியிலிருந்து மட்டுமே நிவாரணம் வழங்கும்.

பல் வலி உண்டாக காரணம் என்ன? (Reasons for tooth pain)

பல்வலிக்கு முக்கிய காரணம் பற்களில் ஏற்படும் குழி அல்லது சிதைவாகும். சர்க்கரை மற்றும் சுத்திகரிக்கப்பட்ட கார்போஹைட்ரேட்டுகள் நிறைந்த உணவை நீங்கள் உட்கொள்ளும்போது, சர்க்கரை பாக்டீரியாவால் வாயில் உடைக்கப்பட்டு, பற்சிப்பிக்குள் அமிலங்களை வெளியிடுகிறது. இதன் விளைவாக, பற்சிப்பி அரிக்கப்பட்டு, நீடித்த அரிப்பு பல் சிதைவுக்கு காரணமாகிறது. பல் புண், பல் முறிவு, ஈறு வீக்கம், காது, தாடை அல்லது வாய் காயம், சைனசிடிஸ் மற்றும் இதய வலி ஆகியவை பிற காரணங்களாலும் பல் வலி ஏற்படும். சில நேரங்களில் பற்கள் ஒழுங்கான வரிசையில் அமையாவிட்டால், முளைப்பது தடைபட்டு வலி ஏற்படுகிறது.

பல் வலி உண்டாவதற்கான அறிகுறிகள் என்ன? (symptoms for dental issues)

பல் வலி உண்டாகப்போவதை ஒரு சில அறிகுறிகள் மூலம் அறிந்து கொள்ளலாம். அவற்றை தொடர்ந்து பார்க்கலாம்.

  • பற்களில் வீக்கத்தை ஏற்படுத்தும் நீர்க்கட்டிகள் முதலில் உருவாகும்.
  • பல்லுக்கு அருகிலுள்ள ஈறுகளின் வீக்கம் தோன்றி, சிவக்க ஆரம்பிக்கும்.
  • ஈறுகளில் இருந்து சீழ் வடிவது தொடங்க ஆரம்பிக்கும்.
  • பற் சொத்தை ஏற்பட்டு வாய் துர்நாற்றம் ஏற்படும்.
  • வலி உணர்வோடு சேர்ந்து காய்ச்சல் உண்டாகும்.
  • உணவு விழுங்குவதில் சிரமம் ஏற்படும்.
  • தாடைக்கு அடியிலுள்ள நிணநீர் கணுக்களில் புண் மற்றும் வீக்கம் ஏற்படும்.

பல் வலிக்கான வீட்டு வைத்திய குறிப்புகள்

வீட்டு வைத்தியங்களைப் (home remedies for tooth pain in Tamil ) பயன்படுத்துவதன் மூலம் பல்வலியைச் சமாளிக்க முடியும். அவற்றைப்பற்றி விளக்கமாக தொடர்ந்து பார்க்கலாம்.

1. பல் வலி நிவாரணத்திற்கு கிராம்பு எண்ணெய்

தேவையானவை

  • 1-2 சொட்டு கிராம்பு எண்ணெய்

என்ன செய்ய வேண்டும்?

  • பாதிக்கப்பட்ட பல்லில் இந்த எண்ணெயை நேரடியாக தடவி விட்டு விடுங்கள்.
  • எண்ணெயை நாவினால் நக்க முயற்சிக்காதீர்கள். இந்த எண்ணெயை ஒரு நாளைக்கு மூன்று நான்கு முறை தடவலாம்.

இது எவ்வாறு வேலை செய்கிறது?

பல்வலியில் இருந்து விரைவான நிவாரணம் பெற கிராம்பு பல நூற்றாண்டுகளாக பயன்படுத்தப்பட்டு வருகிறது. எண்ணெயைப் பயன்படுத்தி இரண்டு நிமிடங்களுக்குப் பிறகு, உங்கள் பல் வலி குறைவதை நீங்கள் காண்பீர்கள். யூஜெனோல் எனப்படும் கிராம்பு எண்ணெயின் முக்கிய அங்கம் வலியை குறைக்கிறது. யூஜெனோல் சில பல் பிணைப்பு பண்புகளில் தலையிடக்கூடும் என்பதால், இந்த மருந்தை நீங்கள் பயன்படுத்தினால் உங்கள் மருத்துவரிடம் தெரிவிக்கவும். (1)

2. பல் வலி நிவாரணத்திற்கு இஞ்சி

தேவையானவை

  • இஞ்சி வேரின் ஒரு சிறிய துண்டு
  • 1 டீஸ்பூன் மிளகு
  • தண்ணீர்
  • பருத்தி துணி

என்ன செய்ய வேண்டும்?

  • இஞ்சி, மிளகு மற்றும் தண்ணீர் சேர்த்து ஒரு தடிமனான பேஸ்ட் தயாரிக்கவும்.
  • பருத்தியின் துணியை பேஸ்ட்டில் நனைத்து பற்களின் மீது வைக்கவும்.
  • சில நிமிடங்களுக்கு அதை விட்டு விடுங்கள். பிறகு வாய் கொப்பளிக்கலாம்.

இது எவ்வாறு வேலை செய்கிறது?

இந்த வைத்தியம் வலியிலிருந்து உடனடியாக நிவாரணம் அளிக்கும். எந்த வீக்கத்தையும் குறைக்கும். வலியைக் குறைக்கும் திறன் இஞ்சிக்கு உண்டு. மிளகு கேப்சைசினை கொண்டிருக்கிறது. இது வலி நிவாரணத்திற்கு பயன்படுத்தப்படுகிறது. இந்த வைத்தியம் கொஞ்சம் எரிச்சலை ஏற்படுத்தும். (2)

3. பல் வலி நிவாரணத்திற்கு பெருங்காயம்

தேவையானவை

  • ஒரு சிட்டிகை பெருங்காத்தூள்
  • 1-2 தேக்கரண்டி எலுமிச்சை சாறு
  • பருத்தி துணி

என்ன செய்ய வேண்டும்?

  • இரண்டு பொருட்களையும் ஒன்றாக கலக்கவும். அந்த பேஸ்ட்டை சிறிது சூடாக்குங்கள்.
  • இப்போது பருத்தி துணியை அந்த பேஸ்டில் ஊறவைத்து பாதிக்கப்பட்ட பல்லில் நேரடியாக வைக்கவும்.

இது எவ்வாறு வேலை செய்கிறது?

பல்வலிக்கான இந்த வீட்டு வைத்தியம் உடனடியாக வலியைக் குறைக்கிறது. மேலும் இது குழிவு காரணமாக பல்வலி ஏற்பட்டால் பரிந்துரைக்கப்படுகிறது. இது வைரஸ் தடுப்பு மற்றும் பூஞ்சை காளான் எதிர்ப்பு பண்புகளையும் கொண்டுள்ளது.(3)

4. பல் வலி நிவாரணத்திற்கு வெங்காயம்

தேவையானவை 

  • வெங்காயம் ஒரு சிறிய துண்டு

என்ன செய்ய வேண்டும்?

  • பாதிக்கப்பட்ட பல்லில் வெங்காய துண்டை வைக்கவும். ஓரிரு நிமிடங்கள் அதை அப்படியே விட்டு விடுங்கள்.
  • இதை ஒரு நாளைக்கு இரண்டு முறை செய்யவும்.

இது எவ்வாறு வேலை செய்கிறது?

உங்கள் பற்களில் இருந்து வரும் வலி உணர்வை தணிக்கச் செய்யும். வெங்காயம் வலியை எளிதாக்குவது மட்டுமல்லாமல், வலியை ஏற்படுத்தும் கிருமிகளையும் கொல்லும். (4)

5. பல் வலி நிவாரணத்திற்கு பூண்டு

தேவையானவை 

  • பூண்டு
  • 1 டீஸ்பூன் ராக் உப்பு

என்ன செய்ய வேண்டும்?

  • பூண்டை நசுக்கி சிறிது பாறை உப்புடன் கலக்கவும். அதனை பேஸ்ட் போல அரைத்துக்கொள்ள வேண்டும்.
  • பல் வலிக்கு நிவாரணம் பெற இந்த பேஸ்டை பாதிக்கப்பட்ட பல்லில் தடவவும். இதை ஒரு நாளைக்கு இரண்டு முறை மீண்டும் செய்யலாம்.

இது எவ்வாறு வேலை செய்கிறது?

பூண்டு பல மருத்துவ குணங்களைக் கொண்டுள்ளது. இதில் அல்லிசின் உள்ளது. இது ஆண்டிமைக்ரோபியல் பண்புகளை கொண்டுள்ளது. அவை வலியை ஏற்படுத்தக்கூடிய தொற்றுநோய் கிருமிகளை கொன்று பல்வலியை குறைக்க உதவுகிறது. (5)

6. பல் வலி நிவாரணத்திற்கு சூடான உப்பு நீர்

தேவையானவை 

  • ஒரு கிளாஸ் வெதுவெதுப்பான நீர்
  • 1 டீஸ்பூன் உப்பு

என்ன செய்ய வேண்டும்?

  • வெதுவெதுப்பான நீரில் உப்பைக் கரைத்து. அதில் வாய் கொப்பளிக்க வேண்டும்.
  • இதனை ஒரு நாளைக்கு மூன்று நான்கு முறை செய்யவும்.

இது எவ்வாறு வேலை செய்கிறது?

சூடான உப்பு நீர் வீக்கத்தை குறைக்க உதவும். மேலும் உங்கள் வாயில் உள்ள பாக்டீரியாவையும் கொல்லும். (6)

7. பல் வலி நிவாரணத்திற்கு வெண்ணிலா சாறு

தேவையானவை

  • 2-3 சொட்டுகள் வெண்ணிலா சாறு
  • சிறிய பஞ்சு உருண்டை

என்ன செய்ய வேண்டும்?

  • பருத்தி துணியைப் பயன்படுத்தி பாதிக்கப்பட்ட பல்லில் நேரடியாக வெண்ணிலா சாறை பயன்படுத்துங்கள்.

இது எவ்வாறு வேலை செய்கிறது?

வெண்ணிலா சாற்றில் ஆண்டிசெப்டிக் மற்றும் வலி நிவாரணி பண்புகள் உள்ளன. அவை பல்வலியை விரைவாக நீக்கும். (7)

8. பல் வலியை அகற்ற கொய்யா இலைகள்

தேவையானவை 

  • 4-5 கொய்யா இலைகள்
  • 1 / 2-1 டீஸ்பூன் உப்பு
  • தண்ணீர்

என்ன செய்ய வேண்டும்?

  • கொய்யா இலைகளை தண்ணீரில் கொதிக்க வைக்கவும். தண்ணீர் சூடாக இருக்கும்போது, உப்பு சேர்த்து உங்கள் வாயை நன்கு கொப்பளிக்க வேண்டும்.
  • வலியைக் குறைக்க ஓரிரு மென்மையான கொய்யா இலைகளை மென்று சாப்பிடுங்கள்.
  • இதை ஒரு நாளைக்கு இரண்டு முறை செய்யுங்கள்.

இது எவ்வாறு வேலை செய்கிறது?

இது வலியைக் குறைக்கும் மற்றும் வீக்கத்தைக் குறைக்கும். கொய்யா இலைகளை பயன்படுத்த முடியாவிட்டால்,  கீரையை மாற்றாகவும் பயன்படுத்தலாம். (8)

9. பல் வலி நிவாரணத்திற்கு கருஞ்சீரக எண்ணெய்

தேவையானவை

  • கருஞ்சீரக எண்ணெய்

என்ன செய்ய வேண்டும்?

  • கருஞ்சீரக எண்ணெயை பாதிக்கப்பட்ட பல்லின் மீது தடவவும். 15-20 விநாடிகளுக்கு மசாஜ் செய்யுங்கள்.
  • ஒரு தேக்கரண்டி எண்ணெயை வெதுவெதுப்பான நீரில் கலந்து வாய் கொப்பளிக்க பயன்படுதாலாம். இதை ஒரு நாளைக்கு இரண்டு முறை, வெறுமனே செய்யவும்.

இது எவ்வாறு வேலை செய்கிறது?

கருஞ்சீரக எண்ணெய் காயத்தை குணப்படுத்த ஊக்குவிக்கிறது. ஆண்டிமைக்ரோபியல் பண்புகளைக் கொண்டுள்ளதால், கடுமையான பல்வலி மற்றும் வீக்கத்தையும் குறைக்கிறது. (9)

10. பல் வலியைத் தடுக்க பேக்கிங் சோடா

தேவையானவை

  • பேக்கிங் சோடா
  • தண்ணீர்
  • பருத்தி துணி

என்ன செய்ய வேண்டும்?

  • பருத்தி துணியை சிறிது தண்ணீரில் போட்டு ஈரப்படுத்த வேண்டும். அதனை எடுத்து பாதிக்கப்பட்ட பல்லை துடைக்கவும்.
  • பிறகு சூடான வெதுவெதுப்பான நீரில், சிறிது பேக்கிங் சோடா தூளைக் கரைத்து, அதனைக்கொண்டு வாய் கொப்பளிக்க வேண்டும்.
  • பல்வலியில் இருந்து நிவாரணம் கிடைக்கும் வரை இதை இரண்டு அல்லது மூன்று முறை செய்யலாம்.

இது எவ்வாறு வேலை செய்கிறது?

பேக்கிங் சோடா அழற்சி எதிர்ப்பு பண்புகளைக் கொண்டுள்ளது. இது எந்த வீக்கத்தையும் நீக்கும். அதன் பாக்டீரியா எதிர்ப்பு தன்மை வலியை ஏற்படுத்தும் எந்தவொரு பல் அல்லது ஈறு நோய்த்தொற்றிற்கும் சிகிச்சையளிக்க உதவும். (10)

11. பல் வலி நிவாரணத்திற்கு ஆயில் புல்லிங்

தேவையானவை 

  • 1-2 தேக்கரண்டி தேங்காய் எண்ணெய்
  • வெதுவெதுப்பான தண்ணீர்
  • பிரஸ்
  • பற்பசை

என்ன செய்ய வேண்டும்?

  • தேங்காய் எண்ணெயை உங்கள் வாயில் ஊற்றி, சுமார் 20 நிமிடங்களுக்கு கொப்பளிக்கவும்.
  • எண்ணெயை உட்கொள்ள வேண்டாம். 20 நிமிடங்களுக்குப் பிறகு, எண்ணெயை கீழே துப்பவும். பிறகு உங்கள் வாயை வெதுவெதுப்பான நீரில் கழுவவும்.
  • பல் துலக்கிவிட்டு இதனை செய்ய வேண்டும்.

இது எவ்வாறு வேலை செய்கிறது?

இது ஆயில் ஸ்விஷிங் தெரபி என்றும் அழைக்கப்படுகிறது. இந்த நுட்பம் பல ஆண்டுகளாக பல் நோய்த்தொற்றுகள், இரத்தப்போக்கு மிகுந்த ஈறுகள், ஈறு அழற்சி மற்றும் பிற வாய்வழி பிரச்சினைகளுக்கு சிகிச்சையளிக்க பயன்படுத்தப்படுகிறது. தேங்காய் எண்ணெயில் அதிக அளவு லாரிக் அமிலம் உள்ளது. இது அழற்சி எதிர்ப்பு மற்றும் ஆண்டிமைக்ரோபையல் பண்புகளை கொண்டுள்ளது. இது பல் வலிக்கு சிறந்த தீர்வாக அமைகிறது.

12. பல் வலியைத் தடுக்க இலவங்கப்பட்டை

தேவையானவை 

  • 1 டீஸ்பூன் இலவங்கப்பட்டை தூள்
  • 5 டீஸ்பூன் தேன்

என்ன செய்ய வேண்டும்?

  • இலவங்கப்பட்டை தூளை தேனுடன் கலக்கவும். இந்த பேஸ்டை நேரடியாக உங்கள் பற்களில் தடவவும்.
  • ஒரு நாளைக்கு இரண்டு அல்லது மூன்று முறை அல்லது பல்வலி மறைந்து போகும் வரை இதை மீண்டும் செய்யவும்.

இது எவ்வாறு வேலை செய்கிறது? 

இலவங்கப்பட்டை, தேனுடன் சேர்ந்து, பல் வலியிலிருந்து நிவாரணம் அளிக்கும். இலவங்கப்பட்டை அழற்சி எதிர்ப்பு மற்றும் ஆண்டிமைக்ரோபியல் பண்புகளையும் கொண்டுள்ளது. பாதிக்கப்பட்ட பல்லைச் சுற்றியுள்ள ஈறுகளை தேன் ஆற்றுகிறது. மேலும் தேனும்  ஆண்டிமைக்ரோபியல் மற்றும் ஆண்டிசெப்டிக் பண்புகளை கொண்டுள்ளது.

13. பல் வலி நிவாரணத்திற்கு மிளகுக்கீரை தேநீர்

தேவையானவை 

  • 1 டீஸ்பூன் உலர்ந்த மிளகுக்கீரை இலைகள்
  • ஒரு கப் கொதிக்கும் நீர்

என்ன செய்ய வேண்டும்?

  • மிளகுக்கீரை இலைகளை கொதிக்கும் நீரில் போட்டு சுமார் 20 நிமிடங்கள் அப்படியே வைக்கவும்.
  • பிறகு பாத்திரத்தை எடுத்து, நீரை குளிர்வித்து, அதனை வாய் கொப்பளிக்க பயன்படுத்த வேண்டும்.

இது எவ்வாறு வேலை செய்கிறது?

மிளகுக்கீரை தேநீர் உங்கள் வாயின் பாதிக்கப்பட்ட பகுதியை உணர்ச்சி பெறச்செய்யும் திறன் கொண்டது. மேலும் ஈறுகள் மற்றும் பற்களில் குளிர்ச்சி உணர்வை கொடுத்து, எரிச்சல் மற்றும் வீக்கத்தையும் நீக்குகிறது.

14. பல் வலி நிவாரணத்திற்கு ஆர்கனோ எண்ணெய்

தேவையானவை 

  • ஆர்கனோ எண்ணெய்

என்ன செய்ய வேண்டும்?

  • ஆர்கனோ எண்ணெயை நேரடியாக பல்லில் தடவவும்.
  • வலி தொடர்ந்தால் சில மணிநேரங்களுக்குப் பிறகு மீண்டும் இதனை செய்யலாம்.

இது எவ்வாறு வேலை செய்கிறது?

ஆர்கனோ எண்ணெய் வலியை ஏற்படுத்தும் பாக்டீரியாக்களைக் கொல்வது மட்டுமல்லாமல், வலி நிவாரணி மற்றும் அழற்சி எதிர்ப்பு பண்புகளையும் கொண்டுள்ளது. இது வலி மற்றும் வீக்கத்தைக் குறைக்கும்.

15. பல் வலி நிவாரணத்திற்கு தேங்காய் எண்ணெய்

தேவையானவை 

  • 1-2 தேக்கரண்டி தேங்காய் எண்ணெய்

என்ன செய்ய வேண்டும்?

  • தேங்காய் எண்ணெயை உங்கள் வாயில் ஊற்றி, சுமார் 20 நிமிடங்களுக்கு கொப்பளிக்கவும்.
  • 20 நிமிடங்களுக்குப் பிறகு, எண்ணெயை கீழே துப்பவும். பிறகு உங்கள் வாயை வெதுவெதுப்பான நீரில் கழுவவும். பல் துலக்கிவிட்டு இதனை செய்ய வேண்டும்.

இது எவ்வாறு வேலை செய்கிறது?

தேங்காய் எண்ணெயில் அதிக அளவு லாரிக் அமிலம் உள்ளது. இது அழற்சி எதிர்ப்பு மற்றும் ஆண்டிமைக்ரோபையல் பண்புகளை கொண்டுள்ளது. இது பல் வலிக்கு சிறந்த தீர்வாக அமைகிறது.

16. பல் வலி நிவாரணத்துக்கு ஆலிவ் எண்ணெய்

தேவையானவை

  • ஆலிவ் எண்ணெய்
  • பருத்தி துணி

என்ன செய்ய வேண்டும்? 

  • பருத்தி துணியை எண்ணெயில் நனைத்து பாதிக்கப்பட்ட பல்லில் தடவவும்.
  • பல்வலி நிறுத்த ஒரு நாளைக்கு இரண்டு அல்லது மூன்று முறை இதை செய்யவும்.

இது எவ்வாறு வேலை செய்கிறது?

ஆலிவ் எண்ணெய் அதன் பினோலிக் சேர்மங்களின் உள்ளடக்கம் காரணமாக அழற்சி எதிர்ப்பு பண்புகளைக் கொண்டுள்ளது. இது பல்வலி வீக்கத்தைக் குறைத்து நிவாரணம் அளிக்கிறது.

17. பல் வலியைத் தடுக்க ஹைட்ரஜன் பெராக்சைடு

தேவையானவை 

  • 3% ஹைட்ரஜன் பெராக்சைடு

என்ன செய்ய வேண்டும்?

  • ஹைட்ரஜன் பெராக்சைடை எடுத்து உங்கள் வாயை நன்கு கொப்பளிக்க வேண்டும்.
  • ஹைட்ரஜன் பெராக்சைடு கொண்டு கொப்பளித்த பின்னர், வெற்று நீரில் உங்கள் வாயை பல முறை சுத்தம் செய்ய வேண்டும்.

இது எவ்வாறு வேலை செய்கிறது? 

இந்த மவுத்வாஷ், பல் தொற்று மற்றும் அசௌகரியத்தை குறைக்கிறது. இது எல்லா வீட்டு வைத்தியங்களையும் போலவே, பல்வலிக்கு ஒரு தற்காலிக சிகிச்சையாகும்.

பல் வலிக்கான சிகிச்சை முறைகள்

பல் வலிக்கான சிகிச்சை என்பது, பல் வலி முதலில் எதனால் வந்தது என்ற காரணத்தை அடிப்படியாக கொண்டது. ஒரு சில நேரங்களில் பல் வலிக்கு கீழ்கண்ட பொதுவான சிகிச்சை முறைகள் பரிந்துரைக்கப்படுகின்றன.

  • பற்களில் ஏற்படும் நோய்த்தொற்றுக்கு சிகிச்சையளிக்க நுண்ணுயிர் எதிர்ப்பிகள் எடுத்துக்கொள்ள அறிவுறுத்தப்படும்.
  • மருத்துவர் எழுதிக்கொடுக்கும் மருந்துச்சீட்டு இல்லாமல், வலி நிவாரண மருந்துகள் மெடிக்கல் கடைகளில் கொடுக்கப்படும்.
  • கிருமிநாசினி பண்பு கொண்ட மவுத் வாஸ் பயன்படுத்த அறிவுறுத்தப்படும்.
  • மருந்துகள் மற்றும் வேறு சிகிச்சை முறைகள் மேற்கொண்டும் வலி குறையாமல் இருந்தால் அறுவை சிகிச்சை பரிந்துரைக்கப்படும்.
  • அறுவை சிகிச்சை அறிவுப்பல்லை அகற்றவும், வரிசை தவறிய பற்களை அகற்றவும் பரிந்துரைக்கப்படும்.
  • கடுமையான தொற்று இருப்பின், வீக்கத்திலிருக்கும் சீழை அகற்றி, மேற்கொண்டு தொற்று ஏற்படாமல் தடுக்கப்படும்.

பல் வலியின் போது என்ன சாப்பிட வேண்டும்?

பல் வலியின் போது சில உணவுகள் மென்மையான வாயை எரிச்சலூட்டுவதோடு மெல்லுவதையும் விழுங்குவதையும் கடினமாக்கும். நீங்கள் உண்ணும் உணவுகளை கவனமாக தேர்ந்தெடுப்பதன் மூலமும், உங்கள் வாய், பற்கள் மற்றும் ஈறுகளை நன்கு கவனித்துக்கொள்வதன் மூலமும் வலியை குறைக்கலாம். முடிந்த வரையில் மெல்லவும் விழுங்கவும் எளிதான மென்மையான உணவுகளை சாப்பிட முயற்சிக்கவும். வாழைப்பழங்கள், ஆப்பிள் சாஸ் மற்றும் பிற மென்மையான பழங்கள், பிசைந்த உருளைக்கிழங்கு, நூடுல்ஸ், ஓட்ஸ் அல்லது பிற சமைத்த தானியங்கள், பட்டாணி மற்றும் கேரட் அல்லது காய்கறிகளை சாப்பிடலாம்.

பல் வலியின் போது என்ன சாப்பிட கூடாது?

நீங்கள் பல்வலி நோயால் பாதிக்கப்படும்போது பின்வருவதை நினைவில் கொள்ள வேண்டும்.

  • பல்வலி ஏற்படக்கூடிய பாக்டீரியாக்களுக்கான உணவு ஆதாரமாக செயல்படுவதால் அதிக சர்க்கரை உணவுகள் சாப்பிடுவதை கட்டுப்படுத்துங்கள்.
  • மிகவும் சூடான அல்லது மிகவும் குளிரான பானங்களைத் தவிர்க்க வேண்டும்.
  • பாதிக்கப்பட்ட பகுதிக்கு நேரடி வெப்பம் படும்படி சாப்பிட வேண்டாம்.
  • பாதிக்கப்பட்ட பல் மீது வலி நிவாரணி கிரீம்கள் அல்லது ஜெல்களைப் பயன்படுத்த வேண்டாம். ஏனெனில் இது ரசாயன தீக்காயங்களை ஏற்படுத்தக்கூடும்.
  • வைட்டமின் சி சத்து மிகுந்த பழங்கள், காய்கறிகளை அதிக அளவில் எடுத்துக்கொள்ள வேண்டும்.

எப்போது மருத்துவரை அணுக வேண்டும்?

தொடர்ச்சியாக கடுமையான பல் வலி இருந்தால்,  பல் மருத்துவரிடம் ஆலோசனை பெறுவது அவசியமாகும். பல் மருத்துவர் வலி எதனால் ஏற்படுகிறது என்ற காரணத்தை அறிய உங்கள் பற்கள்,  வாய் மற்றும் ஈறுகளை பரிசோதித்துப் பார்க்க எக்ஸ்-ரே சோதனையை பரிந்துரை செய்வார். உடனடியாக பல் மருத்துவரை ஆலோசித்து சிகிச்சைப் பெறுவது பாக்டீரியா வளர்ச்சியை தடுக்கவும் நோய்த்தொற்று மேலும் பரவாது இருக்கவும் உதவுகிறது.

பல் வலியை தடுப்பதற்கான வழிமுறைகள்

பல்வலியைச் சமாளிப்பதற்கான சிறந்த வழி,  பராமரிப்பு. ஒரு நாளைக்கு இரண்டு முறை பல் துலக்குவதன் மூலம், வாய்வழி சுகாதார பிரச்சினைகள் ஏற்படும் அபாயத்தை நீங்கள் குறைக்கலாம். ஆரோக்கியமான உணவை உண்ண வேண்டும். சர்க்கரை அல்லது ஒட்டும் உணவுகள் மற்றும் பானங்களைத் தவிர்க்க வேண்டும். உங்கள் பற்களை பாதிக்க கூடிய ஐஸ் அல்லது கடினமான பொருட்களை மெல்லாமல் கவனமாக இருக்க வேண்டும். இறுதியாக, வழக்கமான பல் சுத்தம் மற்றும் சோதனைகளை திட்டமிடுவதை உறுதிப்படுத்திக் கொள்ளுங்கள். சிறிய பல் பிரச்சினைகளுக்கு விலையுயர்ந்த சிகிச்சைகள் தேவைப்படும். அவை வலிமிகுந்த சிக்கல்களாக மாறும் முன்பு நீங்கள் சிகிச்சையைப் பெறலாம்.

முடிவாக

நல்ல வாய் சுகாதாரத்தை பராமரிப்பதன் மூலம் பல்வலியை  தவிர்க்கலாம். ஒரு நாளைக்கு இரண்டு முறை பல் துலக்குதல் உங்கள் பற்கள் மற்றும் ஈறுகளின் ஆரோக்கியத்தில் உங்கள் உணவு முக்கிய பங்கு வகிக்கிறது. உங்கள் சர்க்கரை உணவை உட்கொள்வதை கட்டுப்படுத்துங்கள். உங்கள் வாயிலிருந்து பாக்டீரியாவை சுத்தப்படுத்த உமிழ்நீர் உற்பத்தியைத் தூண்டும் காய்கறிகளையும் பழங்களையும் சாப்பிடுவதில் அதிக கவனம் செலுத்துங்கள். மேலும், ஸ்ட்ராபெர்ரி மற்றும் ஆப்பிள் போன்ற பழங்கள் உங்கள் பற்களுக்கு நல்லது. கூடவே பல் வலி வரும் போது மேலே சொல்லப்பட்ட வீட்டுவைத்திய முறைகளை கடைபிடித்து பாருங்கள். எவை எவை நல்ல பலன் கொடுத்தது என்பது குறித்து எங்களுக்கு கருத்து தெரிவிக்கலாம்.

அடிக்கடி கேட்கப்படும் கேள்விகள்

என் பல்லில் இரத்தம் வர ஆரம்பித்தால் நான் என்ன செய்ய வேண்டும்?

இது உண்மையில் உங்கள் பல்லில் அல்ல.  உங்கள் ஈறுகளில் இருந்து இரத்தம் வருகிறது. ஈறு அழற்சி அல்லது பீரியண்டோன்டிடிஸ் போன்ற சிக்கல் இருக்கலாம். அத்தகைய சந்தர்ப்பத்தில் உங்கள் பல் மருத்துவரை அணுகுவது நல்லது. இரத்தப்போக்கு நிறுத்த ஈரமான டீபாக் பயன்படுத்தலாம். ஈறுகளில் வீக்கத்தின் முதல் அறிகுறியாக இரத்தப்போக்கு உள்ளது.

பல்வலி எப்போது தீவிர நிலையாக மாறும்?

பின்வரும் சூழ்நிலைகளில் உடனடி மருத்துவ சிகிச்சை தேவை:

  • தாடை மற்றும் / அல்லது வாயில் வீக்கம் பரவியுள்ளது
  • நெஞ்சு வலி
  • லேசான தலைவலி
  • மூச்சு திணறல்
  • இருமல்

பல் வலிக்கும்போது எதைத் தவிர்க்க வேண்டும்?

நீங்கள் பல்வலியால் பாதிக்கப்படும்போது பின்வருவதை நினைவில் கொள்ளுங்கள்.

  • பல்வலி ஏற்படக்கூடிய பாக்டீரியாக்களுக்கான உணவு ஆதாரமாக செயல்படுவதால் அதிக சர்க்கரை உணவுகளை கட்டுப்படுத்துங்கள்.
  • மிகவும் சூடான அல்லது மிகவும் குளிரான பானங்களைத் தவிர்க்கவும்.
  • பாதிக்கப்பட்ட பகுதிக்கு நேரடி வெப்பத்தை பயன்படுத்த வேண்டாம்.
  • பாதிக்கப்பட்ட பல் மீது வலி நிவாரணி கிரீம்கள் அல்லது ஜெல்களைப் பயன்படுத்த வேண்டாம். ஏனெனில் இது ரசாயன தீக்காயங்களை ஏற்படுத்தக்கூடும்.

பல்வலியினால் காய்ச்சல் வருமா?

ஆம்! காய்ச்சல் பொதுவாக பல்வலியுடன் காணப்படும் அறிகுறிகளில் ஒன்றாகும். தொற்று காரணமாக இது வழக்கமாக இருக்கும்.

பல்வலியின் போது காது வலி வருமா?

ஆம்! காய்ச்சலைப் போலவே, பல்வலி அனுபவிக்கும் போது, ​​குறிப்பாக மேல் தாடையில் காது வலி ஒரு கூடுதல் அறிகுறியாக இருக்கும். நரம்புகள் முகத்தின் ஒரே பக்கத்தில் பற்களிலிருந்து காது வரை வலியைக் கொண்டு செல்கின்றன.

பல் குழிவு வலியை ஏற்படுத்துமா?

பல் குழி என்பது பல் வலிக்கு மிகவும் பொதுவான காரணம். இந்த வலியை ஈறு பகுதியிலும் அனுபவிக்க முடியும்.

10 sources

Stylecraze has strict sourcing guidelines and relies on peer-reviewed studies, academic research institutions, and medical associations. We avoid using tertiary references. You can learn more about how we ensure our content is accurate and current by reading our editorial policy.
Was this article helpful?
scorecardresearch